राजनप्रसाद पौडेल 
स्याङ्जा । आँधिखोलाको किनारमा एक पुरुष मृत अवस्था फेला परेका छन् । मृत फेला पर्नेमा स्याङ्जा जिल्ला भीरकोट नगरपालिका वडा नं ४ छाङ्छाङ्दी बस्ने वर्ष ४० का सुरेश श्रेष्ठ रहेका छन् । श्रेष्ठ पुतलीबजार नगरपालिका वडा नं – १३ गौरीजाँगर स्थित आँधिखोलाको किनारमा सोमबार दिउँसो फेला परेका हुन् ।

प्रदेश ३ – ०२००९ प ०१९३ नम्बरको स्कुटरमा पुतलीबजार नगरपालिका -३ स्थित आफन्तलाई भेट्न आएका ऊनी आइतबार बेलुकी देखि सम्पर्कविहीन भएको खबर प्राप्त हुनासाथ जिल्ला प्रहरी कार्यालय स्याङ्जाबाट खटिएको प्रहरी टोलिले र नेपाली सेना  स्थानीयबासीको सहकार्यमा खोजी गर्ने क्रममा उनको शव फेला सोमबार दिउँसो फेला परेको स्थानीयले बताएका छन् ।

स्थानीयले दिएको जानकारी अनुसार श्रेष्ठको स्कुटर घटना स्थलबाट ४ किलोमीटर माथी खोलामै पूर्ण रूपमा क्षेती भएको अवस्थामा फेला परेको र घटना सम्बन्धमा अनुसन्धान भइरहेको जिल्ला प्रहरी कार्यालय स्याङ्जाले जनाएको छ ।