काठमाडौ । नवजात शिशुको हत्या आरोपमा आमा पक्राउ परेकी छन । सोलुखुम्बुको सोलुदुधकुण्ड नगरपालिका-२ की २१ बर्षीया कल्पना बिश्वाकर्मालाई नवजात शिशु जन्माएर हत्या गरेको आरोपमा प्रहरीले पक्राउ गरेको छ ।

गत आइतबार बिश्वाकर्माले साल नाल सहितको बच्चा जन्माई हत्या गरी आफ्नै घर देखी करिव २०० मिटर टाढा रहेको खोल्सीमा लगेर पात पत्ङिगरले छोपेको कोशी प्रदेश प्रहरी कार्यालयले जनाएको हो ।

जस पश्चात घटनामा संलग्न बिश्वकर्मालाई प्रहरीले नियन्त्रणमा लिएको हो । उक्त घटना सम्वन्धमा जिल्ला प्रहरी कार्यालय सोलुखुम्बुबाट थप अनुसन्धान भइरहेको प्रदेश प्रहरीले जनाएको छ ।