रामेछाप । रामेछापका लोकप्रिय गायक तथा सर्जक रामकुमार कार्कीले भर्खरै मात्र “म त सानु रामेछापको” बोलको गीत सार्वजनिक गरेका छन् । स्थायी घर रामेछाप भएर काठमाडौंलाई आफ्नो सांगीतिक कर्मथलो बनाइरहेका कार्कीले केहि बर्ष अगाडी पनि आफ्नो जन्मथलो समर्पणमा घर त मेरो रामेछाप जिल्ला,बोलको गीत बजारमा ल्याएका थिए ।

कार्कीले अहिले सम्म दर्जनौं गीतहरु बजारमा ल्याएर अशंख्य श्रोता तथा दर्शकहरुको मन जित्न सफल भएका छन् । कार्कीले घर त मेरो रामेछाप जिल्ला,कोइली चरी,काला पानि,जे गरेनी चल्यो,म त लाहुरे,मायालुको वस्ती लगायत कार्कीको सफल गीत हुन् ।

कार्कीको पछिल्लो गीत “म त सानु रामेछापको” मा रामकुमार कार्की र कोपिला तामाङ्ग वाइबाको सुमधुर स्वर सुन्न सकिन्छ । उनैको लय तथा शब्दले सजिएको यस गीतको म्युजिक भिडियोमा सौरभ जङ्ग कार्की,रुपेश दानी क्षेत्री,प्रकाश जङ्ग बस्नेत,प्रेसनी बस्नेत र कृतिका बस्नेतको आकर्षक अभिनय देख्न सकिन्छ ।

अभिनय गर्ने कलाकारहरु मध्य सौरभ जङ्ग रामकुमारका पुत्र हुन् । उनले आफ्ना पुत्रलाई नेपाली गीत संगीतको म्युजिक भिडियोमा स्थापित गराउने प्रयासमा यस भन्दा पहिले पनि केहि गीतको म्यूजिक भिडियोमा अभिनय गराइसकेका छन् । गीतलाई रामकुमार कार्की युट्युब च्यानल मार्फत सार्वजनिक गरिएको छ ।

भिडियो हेर्न यहाँ क्लिक गर्नु होला ।