रामेछाप । रामेछापको ठोसेमा मलामी जाने क्रममा खोलामा डुबेर एक पुरुष बेपत्ता भएका छन् । बेपत्ता हुनेमा जिरी नगरपालिका वडा नम्बर २ भिरखर्क घर भएका अन्दाजी ५५ वर्षीय पुरुष ठोसेस्थित खिम्ती खोलामा डुबेर बेपत्ता भएको स्थानीयले जानकारी दिएका छन्

स्थानीयले दिएको जानकारी अनुसार बिहीबार गोकुलगंगा गाउँपालिका–२ ठोसेकी एक महिलाको निधन भएपछि आज विहान खिम्ती खोलामा मलामी गएका उनका आफन्त समेत रहेका ती पुरुष करिब एक घण्टा अगाडी खोलामा डुबेको वडाध्यक्ष सुन्दर कार्कीले जानकारी दिनुभयो ।

यद्धपी, उनको नाम खुल्न बाँकी रहेको छ भने घटनाको विस्तृत विवरण आइसकेको छैन । ती पुरुषको खोजीकार्य जारी रहेको छ । उनी मलामी गएपछि नुहाउन लाग्दा डुबेको स्थानीयले बताएका छन् ।