रामेछाप । रामेछापमा ट्रक दुर्घटना हुँदा ५ जना घाइते भएका छन् । बा ५ ख ४०३८ नम्बरको ट्रक दोरम्बा शैलुङ गाउँपालिका २ बोदलमा दुर्घटना भएको जिल्ला प्रहरी कार्यालय रामेछापले जानकारी दिएको छ ।

जिल्ला प्रहरी कार्यालय रामेछापले दिएको जानकारी अनुसार दोरम्बा २ को घट्टेखोलामा निर्माणाधीन पुलको सामग्री लिएर जाँदै गरेको ट्रक अनियन्त्रित भएर सडकबाट करिब २ सय मिटर खसेको थियो ।

ट्रक दुर्घटनामा परी ट्रकका चालक दोरम्बाका ३२ वर्षीय युनिक पाठक र सोही ठाउँका ध्रुव पाठक सिकिस्त घाइते भएका छन् । अन्य तीन जना कुमार बसेल, कुमार योञ्जन र रामशरण तामाङ घाइते भएका छन् । उनीहरुको अवस्था सामान्य रहेको प्रहरीले जनाएको छ । घाइते सबैलाई उपचारका लागि काठमाडौं पठाइएको प्रहरीले जनाएको छ ।