रामेछाप । रामेछापको लिखु तामाकोशी गाउँपालिकामा ट्याक्टर दुर्घटना हुँदा दुई जना घाइते भएका छन् ।

मन्थलीबाट मिक्सचर लिएर धोबीडाँडा तर्फ जादै गरेको ना १ त ७३२० नम्वरको ट्याक्टर नागदहमा दुर्घटना हुँदा चालक र सह–चालक घाइते भएका हुन् । उक्त ट्याक्टर आफै अनियन्त्रीत भई सडकबाट करिव ५० मिटर तल खसेको थियो ।

दुर्घटनामा परि ट्याक्टर चालक मन्थली नगरपालिका–१ का २४ बर्षिय बिशेष नेपाली र सह–चालक रामेछाप नगरपालिका–८ रामेछापडाँडा वस्ने १८ वर्षिय अनुराग भुजेल घाइते भएको जिल्ला प्रहरी कार्यालय रामेछापले जनाएको छ ।

जिल्ला प्रहरी कार्यालय रामेछापले दिएको जानकारी अनुसारचालक र सह- चालक दुवैको घटास्थल बाट उद्धार गरी उपचारको लागि सदरमुकाम मन्थलीमा रहेको रामेछाप सामुदायिक अस्पतालमा उपचारको लागि भर्ना गरिएको रामेछाप प्रहरीले जनाएको छ ।