काठमाडौ । सुचना सञ्चार क्षेत्रमा महत्त्वपूर्ण योगदान गरेको भन्दै लिखुपिके गाउँपालिका वडा न ४ निबासी पत्रकार बिष्णु खड्का सम्मानित भएका छन । आइतबार लिखु पिके ३ ले सुत्केरी तथा गर्ववती महिलाहरुलाई प्रोत्साहन तथा सार्वजनिक सुनाई कार्यक्रमको आयोजना गरी सोहि कार्यक्रम मार्फत पत्रकार खड्कालाई प्रंशसा पत्र द्वारा सम्मान गरेको हो ।लिखुपिके गाउँपालिका अध्यक्ष मिना कार्की बस्नेत, उपाध्यक्ष ङवाङ ल्हाक्पा शेर्पा,वडा अध्यक्ष धुर्ब बहादुर बस्नेत लगायत वडा सदस्य तथा वडाबासीहरुको उपस्थितिमा उक्त प्रशंसा पत्रद्वारा सम्मान गरिएको हो ।

सम्मान पत्र ग्रहन गर्दै पत्रकार खड्काले वडाको यो सम्मानले पत्रकारितामा थप उर्जा थपिएको बताउनुभयो । साथै उहाँले पत्रकारीताको माध्यमबाट समाज परिवर्तन गर्न ठुलो महत्त्वपूर्ण भुमिका रहेको ओैल्यायनुभयो ।

कार्यक्रममा वडा अध्यक्ष धुर्ब बहादुर बस्नेतले वडामा भए गरेका कामकाजको निगरानी राखिदिन आग्रह गर्नुभयो । गाउँपालिका अध्यक्ष मिना कार्की बस्नेत, उपाध्यक्ष ङवाङ ल्हाक्पा शेर्पाले पत्रकारी क्षेत्रमा थप प्रगतीको शुभकामना ब्यक्त गरेका थिए ।

पत्रकार खड्का हाल जनता टेलिभिजनको जिल्ला सम्बादाता , सिधा प्रेसको अध्यक्ष /सम्पादक तथा पालिका खबर र रेडियोमा समेत आबद्व रहेका छन । उनी गीत संगितमा पनि सक्रिय छन उनका १ दर्जन बढि लोकगितमा स्वार सुन्न सकिन्छ ।