रामेछाप । रामेछापको लिखु तामाकोसी गाउँपालिका ले आगामी आर्थिक बर्ष २०८० ।८१ को वार्षिक नीति, कार्यक्रम तथा बजेट प्रस्तुत गरेको छ । १३ औ अधिवेशनमा आइतबार आगामी आर्थिक बर्ष ०८०।०८१ को लागि बार्षिक नीति ,कार्यक्रम तथा बजेट गाउँपालिका अध्यक्ष केशव महतले प्रस्तुत गर्नु भएको हो । ११ औं अधिवेशनमा गाउँपालिका अध्यक्ष महतले आगामी आर्थिक बर्षको लागि कुल ५८ करोड ५० लाख १३ हजार १३ रुपैया प्रस्तावित बजेट प्रस्तुत गरिएको छ। सभाले निती कार्यक्रम,तथा बजेट पास गरेको छ ।

लिखु तामाकोसी गाउँपालिका अध्यक्षले आवश्यता पहिचान गरेर गाउँ पालिका बासीलाई अधिकतम सेवा सुविधा पुर्याउने गरी नीति कार्यक्रम र बजेट ल्याएको बताउनु भयो । उहाँले सार्वजनिक गरेको नीति तथा कार्यक्रममा गाउँपालिकामा कृषि पेशालाई व्यवसायिक र यान्त्रिकरणको गर्दै एक वडा एक उत्पादनको नीति अनुरूप पकेट बालीहरू मार्फत व्यावसायिक खेतीलाई प्रोत्साहन गर्ने ,सुख्खाग्रस्त भू भागलाई सिन्चाइ प्रणालीमा जोड्दै, जलवायु परिवर्तनको प्रभाव न्यूनीकरणका लागि थोपा सिँचाइ र लिफटिङ् सिँचाइको व्यवस्था मिलाउने बताउनु भयो ।

वैदेशिक रोजगारीबाट फर्किएका युवाका लागि लक्षित कार्यक्रम सञ्चालन गरी पशुपालन व्यवसायमा आर्करषित गर्ने,कृत्रिम गर्भाधानका माध्यमबाट दूध, मासु ,अन्डा उत्पादन गरी पालिकालाई दूध, अण्डा, मासुमा आत्मनिर्भर बनाउने साथै पशु आहाराको पकेट क्षेत्र स्थापना गर्न अन्य निकायसँग सहकार्य गर्ने, लघु तथा घरेलु उद्योग स्थापनाका लागि उद्यमीहरूलाई सहुलियत ऋण उपलब्ध गराउन वित्तिय संस्थासँगको सहकार्यमा व्यवस्था मिलाउने,लघु उधम व्यवसायलाई प्रोत्साहन गर्ने,पालिका अन्तर्गतका कार्यालयहरूको कामलाई पूर्वाधार, उपकरण र प्रविधि मैत्री बनाउँदै लगिने उल्लेख गरिएको छ ।

त्यस्तै एक वडा एक इ लाइब्रेरी अन्तरगत पायक पर्ने स्थानमा विद्युतीय पुस्तकालय सञ्चालन गर्ने,विद्यालय समायोजनबाट अपायक भएका विद्यालयका लागि स्कुल बसको ब्यवस्था गर्ने,प्रत्येक वर्ष एस इ इमा उत्कृष्ट अङ्क ल्याउने ७ जना प्राविधिक शिक्षा अध्ययनलाई शतप्रतिशत छात्रवृत्तिको व्यवस्था गर्ने उल्लेख गरिएको छ । गाउँपालिकाका विद्यालयमा पठनपाठन नीतिलाई प्रभावकारी बनाउँदै लैजाने नीति पालिकाले लिएको छ । साथै अङ्ग्रेजी, गणित र विज्ञान विषयका न्यूनतम शिक्षक दरबन्दीको सुनिश्चित गर्ने कार्यक्रम पनि ल्याएको छ ।