सूचना माग गर्ने क्रममा नेपालगञ्ज २१ मा झडप

काठमाडौ । बाँकेको नेपालगञ्ज उपमहानगरपालिका वडा नं. २१ मा स्थानीयले सूचना माग गर्ने क्रममा झडप भएको छ । २०७९ बैसाख ३० गते भएको स्थानीय तहको निर्वाचनमा जितेका वडाध्यक्ष राजकुमार शाहुलाई सूचना मागपत्र बुझाउने क्रममा उत्पन्न विवादका कारण झडप भएको हो ।

वडाध्यक्षले कर्मचारीको मिलोमतमा सरकारी बजेटको चरम दुरुपयोग गरेको आरोप लगाउदै सोमबार सामुहिक रुपमा वडावासी सूचना माग गर्न वडा कार्यालय पुगेका थिए ।

स्थानीयले संविधानले दिएको सूचनाको हकलाई टेक्दै आर्थिक वर्ष २०७९/०८० का हाल सम्म खर्चिएको कुल बजेट योजना शिर्षक अनुसारको विवरण सहित भौतिक विवरण, बहाल कर वापत खर्चिएको कुल बजेटको विवरण, सवारी साधनको विवरण, कर्मचारी र जनप्रतिनिधिलाई नेपाल सरकारले उपलब्ध गराएको सुविधा विवरण, बाटोको लागि खर्चिएको बजेट लगायतका विवरण उपलब्ध गराउन वडाध्यक्ष शाहुलाई निवेदन हस्तान्तरण गरेका थिए ।

सूचनाको हकमा आफु १५ दिनको समय माग गर्दै उक्त सूचना उपलब्ध गराउने उनले वडावासीलाई अभिव्याक्ति दिने क्रममा विवाद उत्पन्न भएको थियो । अभिव्यक्ति दिदैँ उनले भने, ‘केही कुरा नगरपालिकाको सूचना अधिकारीले के भन्नुभयो सबै चिज नमिल्दैन । यो पत्र अहिले नै कार्यन्वयन गर्न निर्देशन गर्नेछु । के के दिन मिल्छ सबै दिन लगाउछु ।’

उनले थप भने, ‘वडा विषयमा केही कुरा मैले लुकाउनु पर्ने छैन ।’स्थानीयले जिन्सी सामान आफ्नै वडामा राख्नुपर्ने माग गरेका थिए । उक्त वडाले जिन्सी सामान राख्नको लागि वार्षिक रुपमा एक लाख छुट्याएको छ ।

मिडिया संगको संवादमा स्थानीय फारुक खानले आफुहरु वडामा कुनैपनि सूचना माग गर्न आउदा वडा सचिव सूर्य नेपालीले उपमहानगरपालिका संग अनुमति प्राप्त गरेर मात्र दिन मिल्ने बताउने गरेका गुनासो गरे । विभिन्न बहानामा वडासचिवले सूचना लुकाउन खोज्ने गरेका छन ।

उनले भने, ‘सबै वडामा सचिव छन । तर नेपाल सरकारले तोकेको सेवा सुविधा बाहेक कसैले पनि अन्य सुविधा पाएका छैनन् । हाम्रो वडालाई यत्रो महंगो सचिव किन ? हामीलाई चाहिएन यत्रो महंगो सचिव !’ उनको पक्षमा त्यहाँ उपस्थित वडावासीले समेत सहमती जनाएका थिए ।

नेपालगञ्ज २१ मा बत्तीको विषयमा एक स्थानीयले आवाज उठाएपछि त्यहाँ दुई पक्ष बीच भिडन्त भएको थियो । जस क्रममा वडाध्यक्षलाई समेत आक्रोसित भिडले हातपात गरेका थिए । नेपाल प्रहरी तत्काल माहोललाई नियन्त्रणमा लिदैँ एक जना स्थानीयलाई पक्राउ समेत गरेको छ । वडाध्यक्षकै कमिकमजोरीका कारण पटक पटक उक्त वडा विवादमा आउने गरेको पिडित वडा सदस्यले जानकारी गराए ।

वडा सदस्य अरुण कुमार मिश्राले वडाध्यक्षलाई आरोप लगाउदै भने, ‘उहाँ यस्तै कामै गर्नुहुन्छ । स्थानीयवासीले लगाएको आरोप एकदम सही हो ।’उनले अझै प्रष्ट पार्दै भने, ‘हामी ४ जना सदस्यलाई जिम्मेवारी सुम्पिएका छैनन् । हैकमवादी प्रवृत्ति र सोच राख्दै सदस्यलाई चपरासी हौं । घर बसेर भत्ता खानुस ’ वडाध्यक्ष शाहुले वडासदस्यलाई प्रयोग गर्नै नमिल्ने शब्दहरु (अपशब्द) प्रयोग गर्दै अपमान गर्ने गरका छन ।

वडाध्यक्ष शाहु मनोमानी ढंगले आफ्नै तालमा बग्ने गरेका सदस्यले मिडियाकर्मीलाई दुखेसो पोखे । यस्तै, वडासदस्य मेराज अहमद बागवानले नेपालगञ्ज २१ मा ठूलै विकास भएको जस्तो जिकिर गर्दै वडामा काम भईरहेको बताए पनि मिडियाकर्मीले के काम ? भएको प्रश्नमा उनले प्रतिउत्तर लगाउन सकेनन् । खासमा उनले सुरुमा वडाध्यक्ष्को पक्षपात गर्न खोजेपनि अन्त्यमा वडाध्यक्षको खुलासा गर्दै भने, ‘वडाध्यक्ष कार्यालयमा बस्नु हुन्न । बाहिर बसेर उनले काम गर्छन ।’

सेवाग्राहीले वडाध्यक्षलाई बहुमत दिएर वडावासीको सेवामा हाजिर हुनको लागि विजय गराएपनि यतिबेला एउटा हस्ताक्षरको लागि पनि उनलाई खोज्दै हिड्नुपर्ने स्थिती रहेको छ । वडासदस्य वागवान समेतले वडाध्यक्ष हैकमवादी प्रवृत्ति र सोचका साथ वडालाई चलाउन खोजेको सहमति जनाए ।

प्रतिक्रिया

Discussion about this post

सम्बन्धित समाचार

Related Posts

ताजा अपडेट

error: कृपया कपि गर्ने राम्रो होइन, कृपया आफै शृजना गर्नुहोस!

Discover more from रामेछाप दैनिक

Subscribe now to keep reading and get access to the full archive.

Continue reading