रामेछाप । रामेछापमा खाद्यान्न सामान सेल्स गर्दै हिडेको फोर्स गाडी दुर्घटना भएको छ। प्र ३-०१-०२२ च ७५६८ नं. को फोर्स गाडी मन्थली स्थित मच्छेडाँडीमा आफै अनियन्त्रित भएर पल्टिएको जिल्ला प्रहरी कार्यालय रामेछापले जनाएको छ ।

जिल्ला प्रहरी कार्यालय रामेछापले दिएको जानकारी अनुसार दुर्घटना हुँदा २ जना घाइते भएका छन् । घाइते हुनेमा सोही गाडीका चालक मन्थली नगरपालिका वडा नं १३ फुलासी बस्ने अन्दाजी २२ वर्षीय सुजन भुजेल र सहचालक ललितपुर जिल्लाको ललितपुर नगरपालिका वडा नं २५ बस्ने अन्दाजी ४७ को प्रकाश आचार्य घाइते भएका छन् ।

दुर्घटनामा परेका दुई जनालाईनै घट्ना स्थलबाट उद्धार गरी मन्थली देवकोटा चोक स्थित रामेछाप सामुदायिक अस्पतालमा ल्याइएको र उपचार भइरहेको र उनीहरूको अवस्था सामान्य रहेको रामेछाप प्रहरीले जनाएको छ।