काठमाडौ । दोलखामा भाईले दाउराले हानेर आफ्नै दिदिको हत्या गरेका छन् । दोलखाको मेलुङ गाउँपालिका वडा नम्बर १ पवटी स्थित पिपलबोटकी ३२ वर्षिया कल्पना भुजेलको उनकै भाई रामभरत भुजेलले दाउराले हानेर हत्या गरेका हुन्

बोली नआउने र कान पनि नसुन्ने रामभरतले उत्तिसको दाउराले हानेर आफ्नै दिदिको हत्या गरेको दोलखाका प्रहरी प्रवक्ता, प्रहरी निरिक्षक राजेश सिग्देलले जानकारी दिनुभयो । उहाँका अनुसार घटना लगत्तै रामभरतलाई नियन्त्रणमा लिएर अनुसन्धान सुरु गरिएको छ ।

मृतक भुजेलको शव पोष्टमार्टमपछि आफन्तजनले बुझिसकेको प्रहरीले जनाएको छ । हत्याको घटना हिजो साँझ नै भएपनि दोलखा प्रहरीले आज मात्रै सार्वजनिक गरेको हो ।