काठमाडौ । काठमाडौंबाट पोखराका लागि आइतबार बिहान उडेको यति एयर लाईन्सको विमान पोखरामा दुर्घटना भएको छ ।

काठमाडौँबाट ६८ जना यात्रु लिएर पोखराका लागि उडेको यतीको एएनसी एटीआर ७२ जहाज पोखराको पुरानो विमानस्थल नजिकै नयाँगाउँमा दुर्घटना भएको हो ।

स्थानीयहरूले दुर्घटनास्थलबाट आगो लागिरहेको दृश्य सामाजिक सञ्जालमा सार्वजनिक गरेका छन । अहिले घटनास्थलमा उद्धारको काम भइरहेको छ ।

अहिले प्लेनमा एकदम ठूलो आगलागी भएको छ । पोखराको वडा नं ७ र १५ को बीचमा रहेको मितेरी पुलमा बिमान दुर्घटनाग्रस्त भएको हो ।

जहाज क्याप्टेन कमल केसीले उडाएका थिए । दुर्घटनाग्रस्त भएको जहाजमा आगो लागेको छ । आगो निभाउने प्रयास भइरहेको बताइएको छ । केही बेरअघि विमान दुर्घटना भएको हो । दुर्घटनाको थप विवरण आउन बाँकी छ ।