काठमाडौ । सिन्धुपाल्चोकमा कायाक (डुंगा) दुर्घटनामा परी एक युवकको मृत्यु भएको छ ।

मृत्यु हुनेमा उदयपुरको कटारी नगरपालिकाका २७ वर्षिय विरवल राईको मृत्यु भएको सिन्धुपाल्चोकका प्रहरी प्रवक्ता प्रहरी नायव उपरीक्षक डिएसपी शिव बुढाथोकीले जानकारी दिनुभयो ।

उहाँको जानकारी अनुसार बलेफी गाउँपालिका वडा नम्बर ५ स्थित सुनकोशी नदीमा र्‍यापटिङ गर्ने क्रममा डुंगा अनियन्त्रित भएर दुर्घटना हुँदा उनी गम्भीर घाइते भएका थिए । गम्भीर घाइते उनको काभ्रेपलाञ्चोक धुलिखेल अस्पतालमा उपचारका क्रममा मृत्यु भएको डिएसपी बुढाथोकीले बताउनु भयो ।