काठमाडौ । सोलुखुम्बुको थुलुङ दुधकोशी गाउँपालिका ८ देउसा मुल्ठा भिरमा सुमो जिप दुर्घटना भएको छ ।

शनिबार बिहान सोताङबाट ९ जना यात्रु लिएर काठमाण्डौँ जाँदै गरेको ना १ ज ६५७२ नम्बरको सुमो जिप आज विहान अन्दाजी ६ बजे अन्यिन्त्रित भई सडकमै दुर्घटना भएको प्रहरीले जनाएको छ ।

दुर्घटनाबाट जिपको अगाडीमा भागमा क्षति पुगेको छ भने यात्रु सबै सकुशल रहेको थुलुङ दुधकोशी गाउँपालिका ८ का वडाध्यक्ष राजेश बावु किराँतीले जानकारी दिए ।

ब्रेक फेल भएर दुर्घटना भएको उक्त जिप मर्मतका लागि सल्लेरी ल्याउँदै गरेको जिल्ला प्रहरी कार्यालय सोलुखुम्बुले जनाएको छ ।