रामेछाप । रामेछापको लिखु तामाकोसी गाउँपालिका वडा नं -१ दुरागाउँबाट उमाकुण्ड लिग हेर्न भुजी जाँदै गरेकाे  बा ११ च ७५९२ नम्बरको उक्त बलेरो दुर्घटना हुदा ३ जना गम्भीर घाइते भएका छन् ।

दुर्घटनामा परी गम्भीर घाइते हुनेमा लिखु तामाकोसी १ दुरागाउँका वडा सदस्य विमल सुनुवार , दुरागाउकै विमला सुनुवार र राजकुमार थापालाई उपचारका लागि हेलिकप्टरबाट काठमाण्डौं पठाइएको छ ।

हिजाे शुक्रबारदेखि सुरु भएको उमाकुण्ड लिग भलिबल खेल हेर्न भुजी जाँदै गरेकाे ११ जना सवार बाेलेराे एकराते पहरा फास्तुमा दुर्घटनामा परेको प्रहरीले जानकारी दिएको छ ।

प्रहरीले दिएको जानकारी अनुसार दुर्घटनामा परी घाइते मध्ये नाम नखुलेका अन्य ४ जना घाईतेलाई गाडि मार्फत काठमाण्डौं तर्फ पठाइएको र अन्य ४ जनाको स्थानीय स्वास्थ्य चौकीमा उपचार भइरहेको  प्रहरीले बताएको छ ।

बुलेरो गाडी दुर्घटनामा परेपछि खेल तत्कालकाे लागि स्थगित भएको छ । दुर्घटनाको कारण खुलेको छैन । दुर्घटना सम्बन्धि अनुसन्धान जारीरहेको छ ।