रामेछाप । रामेछापमा प्रतिनिधि सभा तथा प्रदेश सभा (क )को मतगणना जारी छ । प्रदेश सभा (क) को १५ हजार ५ सय ४० मत गणना हुँदा नेकपा एमालेका उम्मेद्वार शान्ति प्रसाद पौडेल १ हजार ९० मतले अगाडि रहेका छन् ।

पौडेलले हाल सम्म ६ हजार ५ सय ४ मत पाएका छन् भने नेकपा माओवादी केन्द्रका उम्मेद्वार तारानारायण श्रेष्ठ ५ हजार ४ सय १६ मत पाएका छन् ।त्यस्तै राप्रपका हिक्मत सुनुवारले १ हजार ९ सय ८३ मत पाएका छन् भने एकीकृत समाजवादीका उम्मेद्वार रमेश कुमार बस्नेतले ३ सय ९२ मत पाएका छन् ।

सोमबार बेलुका देखि सुरु भएको मतगणना अहिले पनि जारी रहेको छ । उमाकुण्ड गाउँपालिकाको ७ ओटा वडा र गोकुलगंगा गाउँपालिकाको वडा नं १, २, ३, ४ र ५ को मत गणना सम्पन्न भइसकेको छ । अझै ५२ वटा वडाको मतगणना बाँकी रहेको छ । मतगणना जारी रहेको छ।