रामेछाप । रामेछापमा प्रतिनिधिसभा र प्रदेशसभा सदस्यका लागि शान्तिपूर्ण रुपमा मतदान सुरु भएको छ ।

जिल्लाका ९६ वटा मतदानस्थल र २ सय २८ वटा मतदान केन्द्रमा मतदान सुरु भएको हो । सबै मतदान केन्द्रमा आज विहान ७ बजेदेखि मतदान सुरु भएको मुख्य निर्वाचन अधिकृतको कार्यालय रामेछापले जानकारी दिएको छ।

मतदान गर्नको लागि मतदाताहरु मतदान केन्द्रमा भिड लागेको छ । चुनावमा रामेछापबाट यस पटक १ लाख ८० हजार १०६ मतदाता रहेका छन् ।

निर्वाचनको लागि अधिकांश मतदान केन्द्रमा सुरक्षा व्यवस्था कडा पारिएकाले ढुक्क भएर मतदान गर्न जिल्ला प्रहरी कार्यालय रामेछापका डिएसपी राजकुमार थिङले जानकारी दिनु भयो ।