काठमाडौ । नेकपा ( एकीकृत समाजवादी ) ले आज चुनावी घोषणापत्र सार्वजनिक गर्ने भएको छ ।

पार्टीले ‘ राष्ट्रिय स्वाभिमान , संविधानको रक्षा र स्थिरता हाम्रो सरोकार , आर्थिक सामाजिक रूपान्तरण समृद्धि समाजवादको आधार ‘ भन्ने नारासहित प्रतिनिधि तथा प्रदेशसभा निर्वाचन २०७ ९ घोषणापत्र सार्वजनिक गर्न लागेको हो ।

पार्टी केन्द्रीय कार्यालय आलोकनगरमा दिउँसो १ बजे घोषणापत्र सार्वजनिक हुने पार्टीका महासचिव डा वेदुराम भुसा जानकारी दिए ।

समाजवादमा आधारित आर्थिक सामाजिक रुपान्तरणसहितको समृद्धि , जनताको अधिकार , राष्ट्रिय स्वाभिमान , संविधानको रक्षा र स्थिरताका लागि सङ्घीय लोकतान्त्रिक गणतन्त्रको सुदृढीकरणका साथै सुशासन र पारदर्शीतासहितका विषय घोषणापत्रमा छन् । आधारभूत स्वास्थ्य शिक्षा र आहारलाई घोषणापत्रमा प्राथमिकताका साथ समावेश गरिएको छ ।

उत्पादन र कार्तिक १४ रोजगारका माध्यमबाट आर्थिक समृद्धि गते १०:२१ प्राप्त गर्ने तथा खानी , कृषि , पशु वन , उद्योग र पर्यटन क्षेत्रको विकास गर्ने विषयमा विशेष जोड दिइएको घोषणापत्रमा सामाजिक विभेदको अन्त्य गरी न्याय , समानता कायम राख्ने तथा घरेलु उद्योगको विकास गरी आत्मनिर्भर र स्वावलम्वन अर्थतन्त्रको विकास गर्ने लक्ष्य राखिएको छ ।

यसैबीच राष्ट्रिय प्रजातन्त्र पार्टी ( राप्रपा ) ले पनि पूर्ण समानुपातिक संसद् र सांसद मन्त्री हुन नपाउने व्यवस्थासहितको घोषणापत्र आज बानेश्वरमा एक कार्यक्रमबीच सार्वजनिक गर्न लागेको छ ।

राप्रपाले आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि तयार पारेको घोषणापत्रमा भ्रष्टाचार रोक्ने र सम्पति छानबिन गर्न नागरिक आयोग गठन गर्नेजस्ता ‘ एजेन्डा ‘ समेटिइएको छ ।

वैदिक सनातन हिन्दू राष्ट्रलगायत विषयलाई राजनीतिक मुद्दा बनाएको पार्टीले जनताबाट प्रत्यक्षरूपमा निर्वाचित प्रधानमन्त्रीको ‘ एजेन्डा’लाई पछिल्लो समय प्राथमिकतासहित अघि सार्दै आएको पार्टीले आगामी पाँच वर्षमा गर्ने कार्ययोजना , लक्ष्य र प्रतिबद्धता समावेश गरिएको केन्द्रीय सदस्य सरस्वती अधिकारीले जानकारी दिए ।