रामेछाप खानेपानी डिभिजन कार्यालयका इन्जिनियर २८ लाख घुससहित पक्राउ

रामेछाप । रामेछाप खानेपानी डिभिजन कार्यालयका इन्जिनियर २८ लाख घुससहित पक्राउ परेका छन् । सेवाग्राहीसँग घुस मागिरहेको सूचनाका आधारमा रामेछाप खानेपानी तथा सरसफाइ डिभिजन कार्यालय नं -४ का इन्जिनियर (आठौ तह ) नवराज सत्याल र प्लम्बर बखतबहादुर थापालाई अख्तियार दुरुपयोग अनुसन्धान आयोग टंगालबाट खटिएको  टोलिले  उनीहरू दुबै  जनलाई पक्राउ गरेको हो ।

अख्तियारको टोलीले इन्जिनियर सत्याल र प्लम्बर थापालाई मन्थली नगरपालिका–१ स्थित खानेपानी कार्यालयको क्वार्टरबाट पक्राउ गरेको हो । उनीहरुबाट १६ लाख रुपैयाँ नगद र १२ लाख रुपैयाँको चेक गरी २८ लाख रुपैयाँ बरामद गरिएको अख्तियार दुरुपयोग अनुसन्धान आयोगका प्रवक्ता श्यामप्रसाद भण्डारीले जानकारी दिनुभयो । 

इन्छिन गाउँ लिफ्ट खानेपानी आयोजनाको खानेपानी तथा सरसफाइ उपभोक्ता समितिको कामको भुक्तानीबापत उनीहरूले उक्त रकम घुस लिएको अख्तियारले जनाएको छ। पक्राउ परेका दुबै जनामाथि थप अनुसन्धान भैरहेको छ ।

प्रतिक्रिया

Discussion about this post

सम्बन्धित समाचार

Related Posts

ताजा अपडेट

error: कृपया कपि गर्ने राम्रो होइन, कृपया आफै शृजना गर्नुहोस!

Discover more from रामेछाप दैनिक

Subscribe now to keep reading and get access to the full archive.

Continue reading