रामेछाप । सिन्धुलीमा जीप दुर्घटना हुँदा तीन जनाको मृत्यु भएको छ भने ११ जना घाइते भएका छन् ।

मृतकहरुमा गोलञ्जोर गाउँपालिका–६, नाकाजोलीका ४२ वर्षीय पृथ्वी भुजेल, ४५ वर्षीय उदयबहादुर मस्राङ्गी, र ३५ वर्षीय पवन मस्राङ्गी रहेको जिल्ला प्रहरी कार्यालय सिन्धुलीका प्रहरी निरीक्षक केशवबहादुर कटवालले जानकारी दिए ।

बिहीबार बिहान सवा ९ बजेतिर, कमलामाई नगरपालिका–२, चियाबारी नजिक बीपी राजमार्गमा, गोलञ्जोरबाट सिन्धुलीतर्फ आउँदै गरेको बा २० च ८२८३ नम्बरको जिप अनियन्त्रित भई दुर्घटनामा परेको हो ।

दुर्घटनामा ११ जना घाइते भएका छन् । जसमध्ये जिप चालक, गोलञ्जोर–६ का ३२ वर्षीय टीकाजंग राई हायुको अवस्था गम्भीर रहेको बताइएको छ। घाइतेहरु धुलिखेल अस्पताल पठाइएको छ।