रामेछाप । अविरल वर्षाले रामेछापको लिखु तामाकोशी गाउँपालिका वडा नं ५ नागदह भालुखोपमा ६ घरमा क्षति पुगेको छ । बुधबार राति अन्दाजी १०/११ बजेको समयमा घरमाथिको डिलबाट खसेको पहिरोले ६ घरमा क्षति पुगेको स्थानियले जानकारी दिएका छन् ।

स्थानीयले दिएको जानकारी अनुसार पहिरोले घरहरु क्षति गरेको केही पशु चौपाया समेत पुरिएको र २ घरमा पूर्ण रुपमा क्षती पुर्याएको छ भन्ने अन्य ४ घरमा आंशिक रुपमा क्षति पुर्याएको बताएका छन् ।

बाबुराम बुढाथोकी , लिला बहादुर बुढाथोकी , लेख बहादुर बुढाथोकी लगायतको घर पहिरोले क्षति गरेको हो । रातको समयमा घटना भएको कारण उद्धारको काम समेत नभएको स्थानीय प्रेम कुमार बुढाथोकीले जानकारी दिनुभयो ।